3D Studio Max සිංහලෙන්

3Ds Max Lighting - 3Ds Max අලෝකකරණය

2010-04-05T20:35:00.000-07:00

මුලින්ම 3D Studio Max සිංහලෙන් බ්ලොග් එක ටික කාලයක් ලියන්න බැරි වීම පිළිබද සමාව ඉල්ලනවා. මේකට හේතු වුනේ වීඩීයෝ රෙකොඩින් කිරීම සදහා වෙලාවක් නොතිබීමයි.ඒ පිළිබදව මේ බ්ලොග් එක කියවන සැමගෙන් සමාව ඉල්ලා සිටිනවා. හරි එහෙනම් පාඩමට යමු.

අද මම කියලා දෙන්න හදන්නේ 3Ds Max වල තියෙන අලෝකකරණය ගෙනයි.සමාන්‍යයෙන් වීඩීයෝ නිර්මාණයක්, චිත්‍රපටයක් නිර්මාණය කරන විටත් අලෝකකරණය සිදු කරනු ලබනවා. 3Ds Max වලදීත් ඒ අකාරයටම නිර්මාණය කරන වස්තූන් වලට අලෝකය ලබා දීම සදහා අලෝකකරනය භාවිතා කරනවා.3Ds Max වලදී විවිධ අකාරයේ Lights දක්නට ලැබෙනවා.ඒවායේ ගුනාංග විවිධ වේ. මුල්ම අලෝක කරණ පාඩම ලෙස සරල ගණකයක් (Box) නිර්මාණය කර එයට අලෝකය (Lights) එක් කරගන්නා අකාරය බලමු.

මෙයට අදාළ වීඩීයෝ එක පහල ලිනක් එක අධාරයෙන් Download කරගන්න.

3ds Max Lighting.zip (4.77mb)

D
Download Now

(මෙවර වැඩි High quality හා ධාරිතාවය අඩු ෆයිල් එකක් ලබා දී ඇත. මෙහි ඇති .HTML file එක අධාරයෙන් මෙය Play කරගත හැකිය.මේ සදහා Adobe flash Player එක මෙතනින් ලබා ගන්න.)

මුලින්ම 3Ds Max Open කරගන්න. දැන් Plane එකක් Top view එක මත නිර්මාණය කරගන්න.මේ සදහා කැමති Parameters යොදා ගන්න.ඊට පස්සේ කලින් නිර්මාණය කරගත් Plane එක මත Box එකක් නිර්මාණය කරගන්න . Box එක සදහාත් කැමතිParameters යොදා ගන්න. පහල වගේ

දැන් අපි බලමු මේ සදහා Light එක් කරගන්නා අකාරය.ඒ සදහා Command panel එකේ Create tab එකේ Light යන්න ක්ලික් කරන්න එවිට විවිධාකාරයේ Lights වර්ග දක්නට ලැබේ.

එයින් Omni කියන Lightඑක නිර්මාණය කරගමු. ඒසදහා Omini යන්න ක්ලික් කර Front view එක මත කලින් නිර්මාණය කරගත් Box එකට මදක් ඉහලින් ක්ලික් කරන්න.

එවිට Omni වර්ගයේ Light එකක් Box එකට ඉහලින් නිර්මාණය වේ.එය නිර්මාණය කර ගත් සැනින් වස්තූන් සියල්ල අදුරු වේ. දැන් Move tool එක මගින් Omni Light එහා මෙහා කර බලන්න. අලෝකය එහා මෙහා වනු දක්නට ලැබෙනු ඇත.මේ Lightඑක මගින් Box එකේ හෙවනැල්ල Plane එක මතට වැටෙන අකාරයට සකස් කරන අකාරය බලමු. ඒ සදහා Light එක select කර Command panel එකේ Modify tab එක ක්ලික් කරන්න. එවිට Light එකේ විවිධ වෙනස් කම් සිදු කරගත හැකි panel එකක් දිස් වේ.‍

එහි General parameters යටතේ Shadow යන්න ඉදිරයෙන් ඇති චෙක් බොකස් එක මතට හරි ලකුණ යොදන්න.

දැන් Perspective view port එක ඇක්ටිව් කරගෙන(view port එක මත රයිට් ක්ලික් කර) F9 හෝ Standard tool bar එකේ ඇති Quick render button එක මගින් preview එකක් බලන්න පහල වගේ සෙවැනැල්ලක් නිර්මාණය වී තිබෙනු දක්නට ලැබෙනු ඇත.

අද පාඩමෙන් 3Ds Max නිර්මානයක් සදහා Light එකක් නිර්මාණය කරගන්නා අකාරය ඉගෙන ගත්තා ඊලග ලිපියෙන් 3Ds Max වල කැමරාකරණය ගෙන ඉගෙන ගනිමු. එහෙනම් ඔබට ජය!

Path එකක් දිගේ ගෝලයක් ගමන් කරවමු.- 3ds max සජීවීකරණය -

2010-02-21T19:20:00.000-08:00

ගියපාර ලිපියෙන් මම කියලා දුන්නා සරල සජීවීකරණයක් සිදු කරගන්නා අකාරය.අදත් මම කියලා දෙන්න හදන්නේ 3ds Max වල තියෙන තවත් සජීවීකරණ ක්‍රමයක් ගෙන. මේකෙන් කරන්නේ යම් පාත් එකක් නැත්තම් ලයින් එකක් දිගේ වස්තුවක් ගමන් කරවලා සජීවීකරණයක් සිදු කරගන්නා අකාරය.

මේ පාඩමට අදාල වීඩීයෝ එක පහල ලිනක් එක මගින් බාගත කර ගන්න.

3ds max path animation. zip (5.15 mb)

Download Now

මෙයට අදාල 3ds Max file එක මෙතන ක්ලික් කරලා බාගත කරගන්න.

මුලින්ම 3ds Max open කරගෙන එහි command panels එකේ create යටතේ shape යටතේ තියෙන line කියන එක ක්ලික් කරන්න. දැන් command panels එකේම පහල තියෙන initial type යටතේ Conner කියන radio button එකත් drag and drop යටතේ smooth කියන එකටත් ටික් එක දලා front view එකේ මවුස් එකේ රයිට් ක්ලික් කරලා front view එක ඇක්ටිව් කරගන්න.

දැන් මවුස් එක ක්ලික් කර අවශ්‍ය තැන් වලදි තවත්වා පහත තිර සටහනේ අකාරයට line එකක් front view එක මත ඇදගන්න. වැරැද්දක් වුවහොත් පසුපසට ගැනීමට Backspace key එක භාවිතා කරන්න.( line එක අදින විදිහ අපැහැදිලි නම් කියන්න.)

දැන් අපි පාත් එක දිගේ යෑම සදහා ගෝලයක් (sphere) එකක් නිර්මාණය කර ගනිමු. ඒ සදහා command panels එකේ create යටතේ Geometry යටතේ ඇති sphere යන්න ක්ලික් කර sphere එකක් front view එක මත ඇදගන්න. දැන් Move tool එක මගින් ගෝලය (sphere) එක select කර command panels එකේ රෝදයක් වැනි සලකුණක් ඇති Motion Tab එක ක්ලික් කරන්න.

දැන් එහි Assign controller යන්න ඉදිරියෙන් ඇති ධන ලකුණ ක්ලික් කරන්න. එවිට පහලට විවිර වන බොක්ස් එකේ Position යන්න තෝරා එයට ඉහලින් ඇති ප්‍රශ්නාර්ථ ලකුණ මත ක්ලික් කරන්න.

එවිට පැමිණෙන ඩයලොග් බොක්ස් එකෙන් Path constrain යන්න තෝරා OK කරන්න.

දැන් command panels එකේ පහල path parameters යටතේ ඇති Add path යන්න ක්ලික් කර අප නිර්මාණය කරගත් ලයින් එක මත ප්‍රවේශ‍මෙන් ක්ලික් කරන්න. දැන් ක්ෂණිකව ගෝලය ‍ලයින් එක මතට පැමිණේ.

Add path යන්නට පහලින් Target යන්න යටතේ ඇති බොකස් එකේ line 01 යනුවෙන් අප තෝරා ගත් ලයින් එක ඇතුලත් වී තිබෙනු දක්නට පුළුවන්.

දැන් ටයිම් ලයින් එකේ 0 සහ 100 රතු පැහැයෙන් Key frame දෙකක් නිර්මාණය වී තිබෙනු දක්නට පුළුවන්.

දැන් perspective view එක ඇක්ටිව් කර(මවුස් එකේ රයිට් ක්ලික් කර) play button එක ක්ලික් කර බලන්න.

අප නිර්මාණය කරගත් ලයින් එක මතින් ගෝලය (sphere) පැමිණෙන අකාරය දක්නට ලැබේ.

අද පාඩමේ ගැටළු ඇත්නම් ඉදිරිපත් කරන්න. මීලග පාඩමෙන් 3ds Max වලින් නිර්මාණය කරගත් සජීවීකරණයක් වීඩීයෝ දර්ශනයක් බවට පත් කරගන්නාඅකාරය කියලා දෙන්නම්. ඔබට ජය!

3D Studio Max සජීවීකරණය අරඹමු.-3ds Max වලින් සරල ඇනිමේෂන් එකක් හදමු.

2010-02-15T20:27:00.000-08:00

3D Studio Max වල තියෙන වැදගත් කොටසක් තමයි. සජීවීකරණය (Animation) කියන්නේ.
මෙහිදි මූලික වශයෙන් කරන්නේ නිර්මාණය කරගත් වස්තූන් (Object)වලට විවිධ චලන
ලබා දීමයි. ත්‍රිමාණ සජීවීකරණ ච්ත්‍රපට, වෙළෙද දැන්වීම් , ගීත වල රෑප රචනාඅදිය සදහා මෙම
සජීවීකරණ බහුල ලෙස භාවිතා කරයි.

අද අපි 3Ds Max වලින් සරල සජීවීකරණයක් සාදා ගන්නා අකාරය ඉගෙන ගනිමු.මීට අදාල
විඩීයෝ පහල ලිනක් එක භාවිතයෙන් භාගත (Download) කරගන්න. (පසුගිය පාඩම් වල ලබා
දුන් වීඩීයෝ වල ධාරිතාව වැඩි වීම නිසා ඩවුන්ලෝඩ් කිරීමේදි ගැටළු ඇති වුනා. මෙවර
අඩු ධාරිතාවක විඩීයෝ එකක් ලබා දී ඇත.)

3dsMax Basic Animation1.zip(6.45Mb)

Download Now

මීට අදාල 3DSMax file එක මෙතන ක්ලික් කරලබා ගන්න

මෙවර සාදා ගැනීමට බලාපොරොත්තු වන්නේ කැරකෙන ලෝක ගෝලයක ත්‍රිමාණ සජීවීකරණයකි.
මම මේ සදහා ගියවර සදාගත් ලෝක ගෝලය භාවිතා කරනවා. එම ලිපිය කියෙව්වේ නැත්නම් මෙතන
ක්ලික් කරලා ඒක බලන්න.

මුලින්ම 3Ds Max Open කරගෙන file--> Open මගින් සාදා ගත් ලෝක ගෝලය Open කරගන්න.

මුලින්ම ලෝක ගෝලය ඉදිරියට එන අකාරය සජීවීකරණය කරමු. ඒ සදහා select and Move tool එක

භාවිතා කර පහත තිර සටහනේ අකාරයට ලෝක ගෝලය මදක් පසුපසට කරගන්න.

දැන් 3Ds Max වල තිරයේ පහලින්ම Auto key නමින් බට්න් එකක් දකින්න පුළුවන්. දැන් එම බට්න්
එක Click කරන්න. එවිට Time line එක රතු පාට වේවි.(මෙය Auto key එක Active කිරීම ලෙස හදුන්වයි.)
දැන් Time line එක frame 80 ට ගෙන එන්න(මේ සදහා time slider එක drag කරන්න)

දැන් ගෝල select and Move tool එක භාවිතා කර ලෝක ගෝලය y අක්ෂය ඔස්සේ මදක් ඉදිරියට
ගෙන එන්න(පහත තිර සටහන බලන්න)

දැන් Time line එ‍කේ frame 0 සහ frame 80 යන ස්ථාන වල රතු පැහැති කොටස් දෙකක් නිර්මාණය වී තිබේවි. (මේවා key frame ලෙස හදුන්වනු ලබයි)

දැන් Auto key බට්න් එක නැවත ඔබා එය Inactive කර දකුණු පස ඇති Play button එක මගින් Play කර බලන්නදැන් ලෝක ගෝලය ඉදිරියට පැමිණෙන අකාරය පෙනේවී.(මේ අවස්ථාවේ Perspacive view එක Active කරගන්න)

දැන් අපි ලෝක ගෝලය කැ‍රකෙන අකාරයේ සජීවීකරණය සාදමු. ඒ සදහා Auto key එක Active කර
Time line එක frame 70 ට ගෙන යන්න දැන් select and rotate tool එක මගින් ලෝක ගෝලය වටයක්
කරකවා ගන්න. දැන් Play button එක මගින් Play කර බලන්න. ගෝල ගෝලය කැරෙකිමින් ඉදිරියට
එන අකාරය දක්නට ලැබේවී.

දැන් ඔබට අවබෝධ වෙවී මෙම Auto key එක Active කර තිබෙනවිට සිදු කරනු ලබන එහා මෙහා කිරීම් (Move) හෝ කරකැවීම් (rotate ) සජීවීකරණයක් සදා ගත හැකිබව 3D Studio Max වල සජීවීකරණයන් සදහා මෙම Move සහ rotate කිරීම් වලට අමතරව තවත් ක්‍රම රාශියක් යොදා ගනී. ඒවා ගෙන ඉදිරියේදි කියලා දෙන්නම්. එහෙනම් ඊලග ලිපියෙන් හමු වෙමු.මේ පාඩම පිළිබද ඔබගේ අදහස හෝ ගැටළු ඉදිරිපත් කරන්න.

එහෙනම් ඔබට ජය.!

"3D Studio Max සිංහලෙන්" මූණ පොතට - 3D Studio Max සිංහලෙන් සදහා facebook group එකක්

2010-02-15T08:20:00.000-08:00

මම දැනට "3D Studio Max සිංහලෙන්" බ්ලොග් එක පටන් අරගෙන මාස දෙකක් වෙනවා.
මට හිතුනා 3D Studio Max පාඩම් සදහා Facebook group එකක් හදන්න. අද මම ඒක හැදුවා.
3D Studio Max ඉගෙන ගැනීම සදහා කැමති සියළුම දෙනාට මම අරාධනා කරනවා. මේකට
එකතු වෙන්න කියලා මෙන්න එකේ ලිපිනය.

http://www.facebook.com/pages/3D-Studio-Max-Sinhala-Traning/303700349716

3D Studio Max Sinhala Traning තමයි මේ group එකේ නම. මේකට මම ලියන ලිපි වගේම
වීඩීයෝ දර්ශනත් ඇතුල් කරගෙන යනවා ඉදිරියටත් මම ලියන සෑම ලිපියක්ම මේකට එකතු
කරන්න බලාපොරොත්තු වෙනවා.

මම අරාධනා කරනවා 3D Studio Max ගෙන දන්න ප්‍රවීනයන්ටත්මේකට එකතු වෙලා දැනුම

බෙදා ගන්න කියලා.එහෙනම් ඔබට ජය!

3D Studio Max වල Material Editor ගෙන හැදින්වීම.

2010-02-05T21:53:00.001-08:00

පසුගිය ලිපිදෙකකින් මම 3Ds Max වල ගොඩනැගීම (Modeling) පිළිබද කියලා දුන්නා. එම ලිපිවලින් පොලිගන් ක්‍රමය මගින් සරල පුටුවක් සහ ‍සරල මේසයක් හදන හැටි කියලා දුන්නා.

අද මම කියලා දෙන්න බලාපොරොත්තු වෙන්නේ 3Ds Max වල ප්‍රධාන කොටසක් වන Material Editor කියන කොටස ගැන. මුලින්ම අපි Material Editor පිළිබදව හදුනා ගනිමු.

3Ds Max වල ගොඩනැගීම (Modeling) මගින් නිර්මාණය කරගත් මූලික ත්‍රිමාණ වස්තූන් (Object) වලට තාත්වික භාවය ගෙන ඒම සදහා විවිධ වර්ණ සහ හැඩරටාවන් (Textures) එක් කිරීම Material Editor වශයෙන් සරලව හදුන්වන් පුළුවන්. නැත්නම් මූලික ත්‍රිමාණ අකෘතිවලට වරණයක් හෝ මතුපිටක් එක් කිරීම කියලත් කියන්න පුළුවන්.

පහල පින්තූර බලන්න. මුල් රූපයේ දක්නට ලැබෙන්නේ මූලික හැඩතල භාවිතයෙන් ගොඩනගා (Modeling) ගත් මෝටර් රථයක් අකෘතියක් ඊලග රෑපයෙන් දැක්වෙන්නේ එයට Textures එක් කරගත් පසු එහි පෙනුම.

ත්‍රිමාණ අකෘතිය

Material Editor භාවිතයෙන් (Textures) එක් කරගත් පසු පෙනුම.

මේ රූපවලින් Material Editor පිළිබද ‍ අවබෝධයක් ලබා ගත්තා කියලා හිතනවා. දැන් සරල නිර්මාණයක් මගින් මේ පිළිබදව ප්‍රායෝගික අව‍බෝධයක් ලබා ගනිමු. මම මේ ලිපියෙන් ගෝලයක් (spere) එකක් නිර්මාණය කර එයට ලෝක ගෝලයක Textures එකක් එක් කරගන්නා අකාරය පියවරෙන් පියවර සලකා බලමු.

(මෙයට අදාල video එක ලිපිය අවසානයේ ලබා දී ඇති ලින්ක් එක භාවිතයෙන් භාගත (Download) කරගන්න.)

මම මේ සදහා පහල රූපයේ අකාරයේ ලෝක සිතියමක JPEG පින්තූරයක් භාවිතා කරනවා.(මම මේක හෝයා ගත්තේ google image search වලින්)

මුලින්ම 3Ds Max විවෘත කරගෙන මෙනු බාර් එකේ Create --> Standard parameters -->Sphere යන පියවර ඔස්සේ ගෝලයක් නිර්මාණය කරගන්න(ගැටළුවක් ඇතනම් ප්‍රතිචාරයක් දාන්න). Parameters කැමති පරිදි වෙනස් කරගන්න.

දැන් මෙනු බාර් එකේ Rendering --> Material Editor යන පියවර ඔස්සේ Material Editor Dialog Box එක ලබාගන්න. නැතනම් කී ‍‍‍බෝඩ් එකේ M ඔබන්න

‍‍‍

දැන් පහල රූපයේ වගේ පලවෙනි ගෝලය (Sample) තෝරාගෙන Diffuse යටතේ ඇති කුඩා කොටුව click කරන්න.

දැන් එන Dialog Box එකේ Bitmap යන්න ඩබ්ල් ක්ලික් කරන්න. දැන් ලෝක සිතියමේ JPEG පින්තූරය Open කරගන්න.

දැන් අපි තෝරාගත්ත පලවෙනි ගෝලයට JPEG පින්තූරය ඇප්ලයි වෙල‍ා තියෙනවා දකින්න පුළුවන්. මෙම ලෝක සිතියමේ JPEG පින්තූරය අපි නිර්මාණය කරගත් ගෝලයට එක් කර ගැනීම සදහා පහල රූපයේ පරිදි Assign to selection යන්න click කරන්න.ඉන් පසු ඒ ලගම අති Show map in the view port යන්න click කරන්න(නිල් පාටින් ඇති)

දැන් Material Editor ඩයලොග් එක close කර Standard tool Bar එකේ ඇති quick render tool එකෙන් හෝ කී බෝඩ් එකේ F9 ඔබලා බලන්න පහල රූපයේ වගේ පෙනුමක් එයි.

පහල ලිනක් එක මගින් ලිපියට අදාල Video එක Download කරගන්න.

3ds Max sinhala traning video matirial editer.zip (14.17 Mb)

මෙතන Click කරන්න

අද ලිපියෙන් 3Ds Max වල Material Editor ගෙන අවබෝධයක් ලබා ගත්තා කියලා හිතනවා. මේ ගැන ඔබේ අදහස් හෝ ගැටළු දාන්න අමතක කරන්න එපා.

3Ds Max වලින් ත්‍රිමාණ මේසයක් සෑදීමේ පාඩම සදහා වීඩීයෝ එකක්

2010-01-28T00:02:00.000-08:00

ගියපාර ලිපියෙන් මම 3Ds Max වලින් ත්‍රිමාණ මේසයක් හදන විදිහ කියලා දුන්නා. නමුත් මගේ නෙට් කනෙක්ෂන් එකේ ඇති වෙච්ච අලයක් නිසා එකේ වීඩීයෝ එක දාන්න බැරි වුනා. අද මම තිරණය කලා වීඩීයෝ එක අප්ලෝඩ් කරන්න.

මෙච්චර කල් මගේ 3Ds Max වීඩීයෝ අප්ලොඩ් කලේ ziddu.com එකට නමුත් ziddu.com එකෙන් file එකක් බාන කොට ඇති වෙන ප්‍රශ්නයක් තමා ‍නෙට් කනෙක්ෂන් එකේ හරි අලයක් හින්දා හරි පරිගණකය රිස්ටාර්ට් උනොත් හරි අර file එකේ බාපු තැන ඉදලා ඉස්සරහට කරගෙන යන්න අමාරුයි. ආයිත් මුල ඉදලා බාන්න වෙනවා. (අපේ රටේ අන්තර්ජාල සේවා දායකයන්ගේ නෙට් කනෙක්ෂන් වල නම් එහේම අල වෙන්නේ නෑනේ :) )

මේක අපලොඩ් කලේ mediafire.com වලට එකේන් නම් එහෙම ප්‍රශ්නයක් වෙන්නේ නෑ. ප්‍රශ්නයක් වුනොත් කියන්න.

මේ දවස්වල මම 3Ds Max Self Learing Software එකක් හදාගෙන යනවා. දැනට ටිකක් ඉවරයි. ඉතුරු ටිකත් ඉවර කරලා මේ බ්ලොග් එකෙන්ම නොමිලේ දෙන්න බලා පොරොත්තු වෙනවා. ඒක ගොඩක් අයට ප්‍රයෝජන වෙයි කියලා හිතනවා. මේ ගෙන ඔයගොල්ලන්ගේ ප්‍රතිචාර ඉතාමත් වටිනවා.

පහල තියෙන ලිනක් එකෙන් 3Ds Max වලින් ත්‍රිමාණ මේසයක් සෑදීමේ වීඩීයෝ එක Download කරගන්න.

Modeling a trable-3ds Max in sinhala.zip

Download Now

3Ds Max වලින් සරල ත්‍රිමාණ මේසයක් නිර්මාණය කරගනිමු

2010-01-24T23:46:00.000-08:00

ගියවර මම කියලා දුන්නා 3Ds Max වල පොලිගන් ක්‍රමය මගින් සරල ත්‍රිමාණ ‍පුටුවක් නිර්මාණය කරන

අකාරය.එහි වීඩීයෝ එකකුත් ලබා දුන්නා. ‍අද කියලා දෙන්න හදන්නේ පොලිගන් ක්‍රමයම භාවිතා කරලා

සරල ත්‍රිමාණ මේසයක් නිර්මාණ කරන විදිහ.

අද මෙහි වීඩීයෝ එක අප්ලෝඩ් කරන්න හැදුවත් නෙට් එක ‍පොඩ්ඩක් ස්ලෝ ඒක නිසා අප්ලෝඩ් කරගන්න බැරි වුනා. මේ පෝස්ට් එක දැම්මෙත් ලොකු ගේමක් දීලා. මේකට අදාල වීඩීයෝ එක ඊලග පොස්ට් එකෙත් දෙන්නම්. ඒ ගැන මේක කියවන අයගෙන් සමාව වෙන්න ඔනේ. ගැටළුවක් තියෙනවා නම් ප්‍රතිචාරයක් දාන්න.

මුලින්ම 3Ds Max විවෘත කරගන්න.කලින් පාඩමේ මෙන්create-->standerd parameters--> Box

යන්න මගින් බොකස් එකක් නිර්මාණය කරගන්න නැතිනම් command panel එකේ create එකේ Box යන්න මගින් Box මගින් Box එකක් නිර්මාණය කරගන්න. command panel එකේ modify ටැබ් එක මගින් parameters පහත පරිදි වෙනස් කරගන්න.

දැන් කලින් පාඩමේ මෙන් Box එක මත Right click කර ලැබෙන් මෙනුවෙන් convert to--> convert to editable polyයන පියවර ඔස්සේ Box එකට පොලිගන් වීධානය ලබා දෙන්න.

දැන් කලින් පාඩමේ මෙන් top view එක මත Right click කර ලැබෙන් මෙනුවෙන් views--> Bottom යන පියවර ඔස්සේ top view එක Bottom view ලෙස පරිවර්ථනය කරගන්න.(ඒBox එකේ යට කොටස් බලා ගැණීම සදහාය) දැන් මේසයේ කකුල් නිර්මාණය කර ගනිමු.

දැන් Bottom view එකේ සිටියදීම modify ටැබ් එකට ගොස් selection යටතේ ඇති පොලිගන් බොත්තම ක්ලික් කරන්න.දැන් key board එකේ ctrl key එක ඔබාගෙන පහත රෑපයේ මෙන් පොලිගන් හතරක් select කරගන්න (select කර ගැනීම යනු ක්ලික් කිරීමයි )

දැන් modify ටැබ් එ‍‍කේ Extrude බට්න් එක ක්ලික් කර කලින් select කරගත් පොලිගන් එකක් මතට ‍මවුස් එක ගෙන යන්න.එවිට මවුස් අයිකන් එක වෙනස් වෙනු පෙනේ දැන් මවුස් එක ක්ලික් කරගෙනම පහලට අදින්න.අවශ්‍ය තරමට මේසයේ කකුල් දික් කරගත් පසුව මවුස් එක අතහරින්න.

දැන් මේසයක අකෘතියක් නිර්මාණය වී ඇත.

Standed tool Bar එකේ ඇති quik render tool එක මගින් render piview එකක් බලන්න.

පහත අකාරයේ පෙනුමක් ලැබෙනු ඇත. අවේ නැත්නම් කියන්න. :P

මේ ලිපිය පිළිබද ඔබේ ප්‍රතිචාරය සටහන් කරන්න අමතක කරන්න එපා.

3dS Max වලින් සරල නිර්මාණයක් සිදු කරමු

2010-01-14T20:57:00.001-08:00

ගියවර ලිපියෙන් 3dS Max මූලික තිරයේ කොටස් ගෙන වීඩීයෝ එකක් ලබා දුන්නා.
අද 3dS Max වලින් ආරම්භක අභ්‍යාසය ලෙස පොලිගන් ක්‍රමයෙන් සරල ත්‍රිමාණ පුටුවක්
නිර්මාණය කරමු.(මේ සම්බන්ධව වීඩීයො‍් එකක් පහල ලබා දී ඇත)

3dS Max වලින් බොහෝ විට වස්තූන් නිර්මාණය කිරීමේදී යොදා ගනු ලබන්නේමූලික හැඩතල(ගණක ,සිලින්ඩර,ගෝල වැනි දේ) නිර්මාණය කර විවිධ විධාන මගින්ඒවා සියුම් ලෙස කිරීමෙනී.ත්‍රිමාණ මිනිස් අකෘති හා යාන වාහන වැනි මේ ඉතා සංකිර්ණ වස්තූන් ද මෙලෙස නිර්මාණය කර ගනී.මෙලෙස ත්‍රිමාණ අකෘති නිර්මාණයට පොලිගන් ක්‍රමයද බෝහෝ විට යොදා ගනී

‍මොකක්ද මේ පොලිගන් (polygon) ක්‍රමය කියන්නේ.

පොලිගන් ක්‍රමයේදී මූලික වශයෙන් සිදු කරනු ලබන්නේ මූලික ජ්‍යමිතික හැඩතලයක් ගෙන
එය ‍අවශය පරිදි වෙනස් කර අපට අවශය වස්තුව නිර්මාණය කර ගැනීමයි.මෙම නිර්මාණයේදී
මෙම ක්‍රමය පැහැදිලි වනු ඇත. (වීඩීයෝ එක බලන්න)

පොලිගන් ක්‍රමය මගින් සරල පුටුවක අකෘතියක් නිර්මාණය කිරීම.

මුලින්ම 3dS Max විවෘත කරගන්න.ඉන් පසු comand panel එකේ create යටතේ ඇති Box යන්න click කර Top view එක Active කර ඒ මත Box එකක් ඇද ගන්න (අපහැදිලි නම් වීඩීයෝ එක බලන්න)

ඉන් පසුව comand panel එකේ modify ටැබ් එකට ගොස් එහි parameters යටතේඇති. අගයන් සදහා පහත අගයන් ලබා දෙන්න.

මුලින්ම පුටුවේ කකුල් නිර්මාණය කර ගනිමු. මෙහිද සිදු කරනු ලබන්නේ Box එකේ යට පැත්තේ කොන් හතරේ ඇති පොලිගන් දික් කර පුටු කකුල් නිර්මාණය කර ගැනීමයි.දැන් select and Move tool එක මගින් Box එක තෝරා බෝකස් එක මත Right click කර ලැබෙන මේනු එකෙන් Convert to ---> Editable poly යන විධානය ලබා දෙන්න.

Box එකේ යට පැත්ත බලා ගැනීමට Top view එක Bottom view එක ලෙස පරිවර්ථර්‍‍නය කර ගනිමු. ඒ Box එ‍කේ ය‍ට පැත්ත බලා ගැනීමටයි. ඒ සදහා පහත ක්‍රමය අනුගමනය කරන්න.ඉන් පසුව Top view එකේ Top යනුවෙන් නම් කර ඇති ස්ථානයට මවුස් එක ගෙනගොස් Right click කර view යටතේ ඇති Bottom යන්න තෝරන්න.

comand panelඑකේ selection යටතේ ඇති රතු පැහැති polygon නම් කොටුව තෝරා
පහල රෑපයේ දැක්වෙන අකාරයට Box එකේ පොලිගනයක් හතර කී බෝඩ් එකේ Crt key එක ඔබාගෙන
තොරාගන්න(අපහැදිලි නම් වීඩීයෝ එක බලන්න)

දැන් comand panel එකේ ඇති Extrude යනුවෙන් ඇති බට්න් එක තෝරා select කරන ලද පොලිගනයක් අසලට ගෙන එන්න.එවිට මවුස් පොයින්ට් එක මාරු වේ. දැන් මවුස් එක ක්ලික් කරගෙනම පහලට අදින්න. අවශ්‍ය පරිද ඇද මවුස් එක අතහරින්න.දැන් පුටු කකුල් නිර්මාණය වී තිබේවි.

පුටුවේ ඇන්ද නිර්මාණය සදහාද මෙම විධානයම යොදා ගත හැකිය. ඒ සදහා පහත පෙන්වා තිබෙන පොලිගන් තෝරා පෙර පරිදි Extrude විධනය මගින් පුටුවේ ඇන්දද නිර්මාණය කරගන්න.දැන් සරල ත්‍රිමාණ පුටුවක අකෘතියක් නිමවා අවසන්

මේ පිළිබදව ඔබේ ප්‍රතිචාර සටහන් කරන්න.ඊලග ලිපියෙන් මෙවැනිම අභ්‍යාසයක් බලා පොරොත්තු වන්න. පහල ඇති ලිනක් එක මගින් වීඩීයෝ බා ගන්න.

Download කිරීම සදහා ලිනක් එක මත click කරන්න(Download කිරීම ගැටළු සහිත නම් ප්‍රතිචාරයක් දාන්න)

3dsMaxlessonmodeling3dsmax.si.blogspot.com.zip

Download කරගෙන ප්‍රතිචාරයක් සටහන් කරන්න අමතක කරන්න . එපා.

3D Studio Max මූලික කරුණු ගෙන වීඩීයෝ එකක්

2010-01-13T11:40:00.000-08:00

ඔන්න මම තිරණය කලා 3D Studio Max මුල ඉදලා ඉගෙන ගන්න නවකයන්ට පසුගිය ලිපි වලින් කියාදුන් 3D Studio Max මූලික තිරයේ කොටස් කිහිපය ගෙන වීඩීයෝ එකක් දෙන්න. මේක ගොඩක් අයට ප්‍රයොජනවත් වෙයි කියලා හිතනවා. මුලින්ම කියන්න ඕනේ 3D Studio Max කියන්නේ මූල සිට හොදින් ඉගෙන ගතහොත් ඉගෙන ගන්න අමාරු මෘදුකාංගයක් නොවේ.

මම 3D Studio Max ඉගෙන ගත්තේ තනියම ඊට පස්සේ වැඩිදුර කොටස් නෙට් එකෙන් තමයි ඉගෙන ගත්තෙ.ඒක නිසා මූලික කොටස් ඉගෙනගත්තම වැඩිය අමාරු වෙන්නේ නැහැ. මම දිගටම මේ විදිහට 3Ds Max වීඩීයෝ ගෙන්න බලාපොරොත්තු වෙනවා. මේ ගෙන ප්‍රතිචාරයක් එකතු කරන්නඅමතක කරන්න එපා. ඒවා මේ බ්ලොග් එකේ පාඩම් පැහැදිලිව ගෙන්න ගොඩක් වැදගත්.

වීඩීයෝ එකේ නම් සද්දේ පොඩ්ඩක් විතර අඩුයි. ඊලග වීඩීයෝ එකෙන් ඒක හරිගස්සගන්නම්. පලවෙනි වීඩීයෝ එක‍නේ.

පහල තියෙන ලින්ක් එක ක්ලික් කරලා .swf පයිල් ඒක බාගන්න.
මේක Rar පයිල් එකක් විදිහ‍ට තමයි තියෙන්නේ ඒක Estrac කර ගන්න. .swf එක නම් vlc Player එකේ හරි Stom codec වගේ Player වලත් Play වෙනවා. ගැටළුවක් උනොත් ප්‍රතිචාරයක් දාන්න.

නැතනම් Rar පයිල් එකේ තියෙන .html පයිල් එක web Browser එකෙන් Open කරන්න.
ගැටළුවක් උනොත් ප්‍රතිචාරයක් දාන්න.

3D Studio Max Basic video Traning (ලිනක් එක ක්ලික් කරලා බාගන්න)

බාගෙන ප්‍රතිචාරයක් දාන්න අමතක කරන්න එපා.

3Ds Max වල මූලික තිරය හදුනාගනිමු - අවසාන කොටස

2010-01-06T02:29:00.000-08:00

ගියවර ලිපි කිහිපයකින් 3ds Max වල මූලික තිරයේ කොටස් කිහිපයක් හදුනා ගන්නා ලදි. අද ඉතිරි කොටස් ගෙන අවධානය යොමු කරමු. ගියවර ලිපිවලට පිවිසීමට පහත Link වල Click කරන්න.

1. 1. මුලික තිරය හදුනා ගනිමු I

2. 2. මුලික තිරය හදුනා ගනිමු II

හොදයි මුලින්ම 3ds Max වල දකුණු පස ඇති Command Panels වලට අවධානය යොමු කරමු. (පහත රෑපය බලන්න)

Command Panel වල ඇති ප්‍රධාන කොටස් දෙක හදුනා ගමු.

මුලින්ම ඇති ඊතලයක සලකුණCreate Tab එක වේ. මෙයින් සිදු කරනු ලබන්නේ වස්තුන් නිර්මාණය කිරීමයි. මෙම Tab එක තුළ විවිධ කැටගරීස් වලට විවිධ වස්තූන් වෙන් කර ඇත. උදාහරණයක් ලෙසGeometry, Shapes, Lights, cameras , ආදි ලෙස වෙන් කර ඇත.

මීළගට ඇත්තේ Modify Tab එකයි. නිර්මාණය කරනු ලබන වස්තූන් වලට විවිධ වෙනස් කම් සිදු කරනු ලබන්නේ මෙම Tabඑකෙන් වේ.

Command Panel එකේ ඉතිරි කොටස් ගෙන ඉදිරි පාඩම් වලදී හදුන්වාදෙනු ඇත.

දැන් View Port ගෙන හදුනා ගනිමු. View Port යනු 3ds Max තිරයේ Top, Front, Left, Perspective, ලෙස සදහන් වන ඒවයි.(පහල රෑපය බලන්න.එහි නිල් පාටින් දක්වා ඇත්තේView Port වේ.) එනම් එකම වස්තුව පෙනෙන විවිධ පැති වේ. යම් View Port එකක් වටේ කහ පාට ඉරි වලින් වට වී තිබේ නම් එය Active වී තිබීම ලෙස හදුන්වයි. යම් View Port එකක් Active කිරීමට අවශ්‍යය නම් මවුස් එක View Port එක මතට ගෙන ගොස් Right click කරන්න. පහත රෑපයේ Active වී ඇත්තේ Perspective View එකයි.

මීළගට 3ds Max වල දකුණු පස යටින්ම ඇති View Port Navigation Controls ගෙන හදුනා ගනිමු. ( පහත රෑපය බලන්න.)

මෙම Controls භාවිතා කරන්නේ 3ds Max වල View Port පාලනය කිරීමටයි (View Port ගෙන ඉහත හදුන්වා දී ඇත)එහි ඇති Tool එකින් එක හදුනා ගනිමු.

*පහත රෑප බලන්න.

-- මෙය Zoom tool එක ලෙස හැදින්වේ. මෙයින් සිදු කරනු ලබන්නේ Active කර තිබෙන View Port එක විශාල හා කුඩා කිරීමයි.

- මෙය Zoom All tool එකයි. සියළුම View Port එකවර විශාල කිරීමට හා කුඩා කිරීමට භාවිතා කරනු ලබයි.

- මෙය Zoom Extents tool එක වේ. මෙය භාවිතා කරනු ලබන්නේ Active කර තිබෙන View Port එකේ ඇති සියළුම වස්තුන් එකවර දරශනය කර ගැනීමටයි.(අත්හදා බලන්න.)

- මෙය Zoom Extents All tool එක වේ. මෙයින් සිදු කරනු ලබන්නේ. View Port සියල්ලේම ඇති වස්තුන් එකවර දර්ශනය කිරිමයි.

- මෙය Field-of-view tool එකයි. මෙහි කාර්ය Zoom tool එකට මදක් සමානය.

මෙය Pan tool එක ලෙස හදුන්වනු ලබයි. මෙහි කාර්ය වනුයේ View Port Zoom කර ඇති විට නොපෙනෙන වස්තූන් දර්ශනය කර ගැනීමයි. මෙය Photoshop වල ඇති Hand tool එකට සමාන වේ.

- මෙය Arc-tool එක නම් වේ. View Port හැරවීමට මෙය භාවිතා කරනු ලබයි.

මෙය Min/Max Toggle tool එක ලෙස හදුන්වියි. මෙයින් සිදු කරනු ලබන්නේ View Port එකක් මුළු තිරයේම දර්ශනය කිරීම හා නැවත පෙර තත්වයට View Port ගෙන ඒමටයි.

මීළගට Time Line හා Time slider පිළිබදව හදුනා ගනිමු. මෙම Controls පහත රූපයේ දක්වා ඇත.

Time slider මගින් සිදු කරන්නේ ලබන්නේ Animation සිදු කරන විට Time Line එකේ අවශ්‍යය රෑප රාමු වෙත ගෙන යාමයි. මෙය මවුස් එක මගින් ක්ලික් කරගෙන ඇදගෙන යා හැකිය.

Time Line එක 10 කොටස් 10 කට බෙදා ඇත මෙය Animation සිදු කරන විට භාවිතා කරයි.

දැන් 3ds max වල Time Controls එක පිළිබද හදුනා ගනිමු (View Port Navigation Controls වලට වම් පැත්තේ ඇති) (පහත රෑපයේ දක්වා ඇති)

මෙම Controls භාවිතා කරනු ලබන්නේ Time Line එක පාලනය කිරීමටයි එම Controls එකින් එක හදුනා ගනිමු. පහත රෑප බලන්න.

- Go to start - Time Line එකේ ආරම්භක රෑප රාමුවට Time slider ගෙන යයි.

- Previous Frame - Time Line එකේ පසු පස රෑප රාමුවට Time slider ගෙන යයි.

- Play-සාදා ගත් Animation එක Play කිරීමට භාවිතා කරයි.

- Next Frame - Time Line එකේ ඉදිරි රෑප රාමුවට Time slider ගෙන යයි.

- Go to End - Time Line එකේ අවසන් රෑප රාමුවට Time slider ගෙන යයි.

- මෙය ක්ලික් කල විට Next Frame සහ Previous Frame යන Controls දෙක Next Key සහ Previous Key ලෙස මාරුවෙයි. එනම් පසු පස Key එකට සහ ඉදිරි පස Key එකට Time slider එක ගෙන යාමට භාවිතා කරයි. (Key පිළිබදව Animation පාඩම් වලදී හදුන්වාදෙනු ඇත.)

-- මෙම Text Box එකේ යම් රෑප රාමුවක අංකයක් Type කර Enter කල විට එම රූප රාමුවට Time slider එක ගෙන යයි. එනම් 50 Type කර Enter කල හොත් 50 වෙනි රූප රාමුවට Time slider එක ගෙන යයි.

- Time Configuraction - Time Line එකේ විවිධ වෙනස් කම් කීරීමට මෙය භාවිතා කරයි. එනම් Frame ගණන,Play කල යුතු වේගය ආදි වේ. මෙම Controls එක ක්ලික් කල විට මතුවන Time Configuraction Dialog එක මගින් මෙවා සිදු කරගත හැකිය.

දැන් 3D Studio Max වල මූලික තිරයේ ප්‍රධාන කොටස් සියල්ල හදුනා ගෙන අවසන්. ඉතිරි කොටස් ඉදිරි ලිපිවල සිදුකරනු ලබන අභ්‍යාසවල විස්තර කරනු ඇත. ඊලග ලිපියෙන් හමු වෙමු.

3ds max වල මූලික තිරය හදුනා ගනිමු. - II කොටස

2010-01-05T02:43:00.001-08:00

කලින් ලිපියෙන් අපි 3ds Max වල මූලික තිරයේ ප්‍රධාන කොටස් කිහිපයක් හදුනා ගත්තා ඒ කොටස් පිළිබද සවිස්තරාත්මකව අද කියලා දෙන්නම්.

පලමුවෙන්ම3ds Max වල Menu Bar එකේ අතවශ්‍යය කොටස් කිහිපයක් හදුනා ගමු ඉතිරි ඒවා පාඩමුත් එක්ක කියලා දෙන්නම්. හරිපටන්ගමු

පලමුව අතවශ්‍යම කොටස් කිහිපයකට අවධානය යොමු කරමු.

01.File Menu

New - මෙයින් සිදු කරන්නේ අනෙක් මෘදුකාංග වගේම අළුත් Poject එකක් ගැනීමයි. 3ds max වල නම් අළුත් scenes එකක්

Reset - මෙයින් සිදු කරන්නේ 3ds max වල අප කරන ලද වෙනස් කම් සියල්ල මුල් තත්වයට පත් කර අළුත් scenes ගැනීමයි

Open - මේකෙන් කරන්නේ කලින් නිර්මාණය කරගත් Poject එකක් එහෙමත් නැත්නම් scenes එකක් විවෘත කිරීමයි

Save - මේකෙන් කරන්නේ නිර්මාණය කරගත් scenes එකක් පරිගණකයේ Save කිරීමයි. ඒවා Save වෙන්නේ .Max කියන file Format එකකට.

02.Edit Menu

Undo - අවසන් වරට කරන ලද වෙනස්කම අවලංගු කිරීම.

Redo- Undo කරන ලද වෙනස්කම නැවත සිදු කිරීම.

Delete- තෝරන ලද වස්තුව (Obeject) මකා දැමීම.

Select All - වස්තූන් (Obeject) සියල්ල තේරීම.

Group Menu එක

Group - වස්තූන් (Obeject) කිහිපයක් Group කිරීමට

UnGroup - Group කරන ලද Group වෙන් කිරීමට

Create Menu එක

3ds max භාවිතා කර යම් නිර්මාණයක් කිරීමේදී භාවිතා කරන විවිධ ජ්‍යාමිතික හැඩතල( වස්තූන්) නිර්මාණය කිරීමට මෙම Menu එක භාවිතා කරයි. එම වස්තූන් විවිධ මාතෘකා වලට වෙන් කර ඇත.

03.Render Menu

Render - 3ds max වලින් Out Put එකක් ලබා ගැනීමට

Environment - 3ds max වල පසුබිම් නිර්මාණය විවිධ Effect සදහා භවිතා කරයි

ඉහත විස්තර කරන ලද්දේ Menu Bar එකේ අතවශ්‍යය කොටස් කිහිපයකි. ඉතිරි කොටස් පිළිබද ඉදිරි ලිපි වල සිදුකරන අභ්‍යාසවලදී හදුන්වා දෙනු ඇත.

දැන් Standard tool Barඑකේ ප්‍රධාන tool කිහිපයක් හදුනා ගනිමු. මෙහි සෑම tool එකක්ම දර්ශනය නොවේ නොපෙනන tool බලා ගැනීම සදහා Standard tool Bar එකේ tool දෙකක් වෙන් වන ස්ථානයකට මවුසය ගෙන යන්න. දැන් මවුස් පොයින්ට් එක අතක Hand සලකුණකට මාරු වේ දැන් මවුසය ක්ලික් කරගෙනම අදින්න. එවිට සැගවී ඇති tool දර්ශනය වනු ඇත. දැන් tools හදුනා ගමු

Undo සහ Redo tool (මෙවයින් සිදු කරන දේ ඉහත සදහන් කර ඇත.)

select Object tool - Object තෙරීම සදහා භාවිතා කරයි.

select Bye object tool - Object තෙරීම සදහා භාවිතා කරයි.- Object එකේ නම භාවිතායෙන් තොරා ගනී.

select & Move tool - Object තෙරීම සහ Object එහා මෙහා කිරීමට භාවිතා කරයි.

select & Rotate - Object තෙරීම සහ හැරවීමට යොදාගනී.

select & Uniform Scale tool - Object තෙරීම සහ විශාල සහ කුඩා කිරීමට භාවිතා කරයි.

Martirial Editor - Martirial Editor Window එක ලබා ගැනීමට භාවිතා කරයි. (Martirial Editor පිළිබද පසුව හදුන්වා දෙනු ඇත.

Render scenes dialog - Render scenes dialog එක දර්ශනය කරයි.

Quick Render - Quick Render එකක් එනම් preview එකක් ලබා ගැනීමට භාවිතා කරයි

ඉතිරි කොටස් පිළිබද ඊලග ලිපියෙන් හදුනා ගනිමු.ගැටළු ඇත්නම් ප්‍රතිචාර වලට එක් කරන්න. ඔ‍බේ පහසුව සදහා ප්‍රතිචාර දැමීමේදී එන වර්ඩ් වර්පිකේෂන් එක ඉවත් කර ඇත.

3ds max වල මූලික තිරය හදුනා ගනිමු. - I කොටස

2010-01-04T20:45:00.000-08:00

පසුගිය ලිපියෙන් 3ds max install කරන අකාරය කියලා දුන්නා අද 3ds max වල මූලික තිරය හදුනා ගනිමු.

3ds max විවෘත කරගන්න.හොදයි දැන් පහත පීන්තූරයේ තියෙන්නේ 3ds max මුලික තිරය (පෙන්නේ නැත්නම් ක්ලික් කරලා විශාල කරලා බලන්න.)

එහි නම් කර ඇති කොටස් හදුනාගනිමු.

Menu Bar - අනෙක් මෘදුකාංග වගේම තියෙන අංගයකි. File, Edit , view ආදි මේනු වලින් සමන්විතය

Standard tool Bar - 3ds max වල ප්‍රධාන ටූල් බාර් එක වේ. 3ds max වලින් යම් නිර්මාණයක් කිරීමේදී අතවශ්‍යයම ටූල්ස් මෙහි දක්නට ඇත. මේ ටූල් පිළිබදව එකින් එක පිළිබදව සවිස්තරාත්මක විස්තරයක් ඊලග ලිපියෙන් බලාපොරොත්තු වන්න.

Command Panels - මෙම තීරුව Create , Modify, Hierarchy , Motion , Display , Utilities යන කොටු වලින් සමන්විත වේ.

View Port Navigation Controls - මෙම තිරුව මගින් කරන්නේ View Port අපට අවශ්‍ය්‍ය පරිදි පාලනය කිරීමයි උදාහරණයක් විදිහට View Port විශාල කිරීම (Zoom ) සදහන් කරන්න පුළුවන්

Time Controls - මේ Controls වලින් කරන්නේ සජීවීකරණය කීරීම‍ට හා රුප රාමු පාලනය කිරීමයි.

Time Line - කරනු ලබන නිර්මාණවල කාලය නිර්මාණය කරන්නේ මෙමගිනි.මෙය 0 සිට 100 දක්වා කොටස් 10 කට බෙදා ඇත.

Time slider - Time Line එකේ විවිධ ස්ථාන වලට යෑම සදහා මෙය භාවිතා කරයි.

ඉහත දැක්වු 3ds max මුලික තිරයේ කොටස් ගෙන සව්ස්තරාත්මක විස්තරයක් ඊලග ලිපියෙන් බලාපොරොත්තු වන්න.